Abelard Tahiri nga PDK-ja ka falënderuar qytetarët për mbështetjen e dhënë në zgjedhjet e 9 shkurtit.

Ai ka shkruar në “Facebook” se me Bedri Hamzën kryeministër vendi do të ketë qeverisje më të përgjegjshme, ekonomi më të fortë dhe institucione që u shërbejnë qytetarëve.

Pas katër viteve pune si Shef i Grupit Parlamentar të Partisë Demokratike të Kosovës, ku kam dhënë gjithçka për të mbrojtur interesat e Kosovës dhe qytetarëve të saj, vota juaj në zgjedhjet e 9 shkurtit është vlerësimi më i madh për këtë angazhim. Ju falënderoj nga zemra për besimin dhe mbështetjen tuaj! Besoj fuqishëm se Kosova mundet më mirë!