Tajlanda ka hequr vizat me Shqipërinë. Lajmin e ka bërë me dije ministri për Europën dhe Punët e Jashtme, Igli Hasani, përmes një postimi në Facebook ku shkruan se tashmë qytetarët shqiptarë mund të udhëtojnë pa viza në 99 shtete.

“Ky është një hap i rëndësishëm në forcimin e pasaportës shqiptare dhe në promovimin e imazhit të Shqipërisë në arenën ndërkombëtare”, shkroi ai.

Hasani thotë se MEPJ do vazhdojë punën për forcimin e pasaportës shqiptare.