Të paktën tetë persona kanë humbur jetën pasi një adoleshent dyshohet se vrau gjyshërit e tij dhe më pas hapi zjarr në një shkollë të mesme në Tajlandë, në një nga sulmet më vdekjeprurëse në institucionet arsimore të vendit në vitet e fundit.

Sipas policisë tajlandeze, gjashtë persona u vranë në shkollë, përfshirë tre nxënës dhe tre mësues, ndërsa më shumë mbetën të plagosur.

Autoritetet njoftuan se më vonë në shtëpinë ku jetonte i dyshuari u gjetën të pajetë edhe gjyshja dhe gjyshi i tij. Hetuesit dyshojnë se ata u vranë para se autori i dyshuar të shkonte në shkollë dhe të kryente sulmin.

Pamje të verifikuara nga CNN tregojnë nxënës të frikësuar të strehuar nën bankat e klasave, ndërsa në sfond dëgjohen të shtëna me armë. Video të tjera shfaqin momentin e evakuimit të nxënësve, të cilët largohen me vrap nga objekti shkollor me ndihmën e stafit.

Autoritetet tajlandeze kanë nisur hetimet për të zbardhur motivin e sulmit dhe rrethanat e plota të ngjarjes.