Tajvani rrëzoi një dron civil pas javësh ankesash për inkursione nga mjetet ajrore pa pilot nga Kina, si shenjë që Taipei po zmbrapset kundër përpjekjeve të Pekinit për të shkelur territorin e tij, shkruan Bloomberg News, transmeton Gazeta10.

“Dronët janë pjesë e taktikave të zonës gri dhe luftës konjitive të Kinës kundër Tajvanit…Inkursionet janë një përpjekje për të poshtëruar ushtrinë e Tajvanit. Qeveria e Tajvanit fillimisht iu përgjigj me kujdes dhe u bë më e ashpër kur ato u bënë më të shpeshta.”, tha Kuo Yu-jen, drejtor i Institutit për Kërkimin e Politikave Kombëtare në Taipei.

Trupat tajvaneze qëlluan dronin pranë ishullit Kinmen rreth mesditës së të enjtes, pasi përpjekjet për ta zmbrapsur atë dështuan, sipas një deklarate nga garnizoni në postin e mbajtur nga Taipei në afërsi të Kinës.

Kjo pasoi incidentet të martën dhe të mërkurën, në të cilat Tajvani gjuajti të shtëna paralajmëruese dhe flakë mbi dronët civilë që iu afruan ishujve të tij në det të hapur.

Ushtria Çlirimtare Popullore mbajti stërvitje të paprecedentë për disa ditë rreth Tajvanit pas vizitës së Pelosit, duke përfshirë gjuajtjen e raketave balistike mbi ishull. Taipei ka raportuar se mesatarisht më shumë se 10 avionë luftarakë kinezë kanë kaluar vijën mesatare të hartuar nga SHBA që ndan ngushticën e Tajvanit çdo ditë që nga mbërritja e ligjvënësit, sipas të dhënave të përpiluara nga Bloomberg News./Gazeta10.