Në emisionin “Politiko me Kushtrim Sadikun”, analisti politik, Fidan Rama, ka thënë se tensionet Kosovë-Serbi janë shumë të larta, raporton Gazeta10.

Rama ka thënë se ajo që ka ndodhur sot është konfirmim i asaj që është diskutuar paraprakisht në debatet e kaluara.

“Ajo që pamë këto dy ditë është një konfirmim i asaj që kemi thënë këtu në debatet e kalume që është vështirë definitivisht për ta menaxhuar situatën që është krijuar në fund të muajit të kaluar”, ka thënë Rama.

Tutje, ai ka thënë se tensionet mes Kosovës dhe Serbisë janë shumë të larta.

“Gjendja sot me Borrellin dhe përfaqësuesit e tjerë e konfirmon që palët kanë një marrdhënie shumë të ftohtë dhe tensionet janë shumë të larta mes Kosovës dhe Serbisë”, ka shtuar më tej Rama.

Përndryshe, sot gjatë ditës është zhvilluar fillimisht një takim trepalësh në Bruksel mes përfaqësuesve të BE-së, Josep Borrell dhe Miroslav Lajçak, me kryeministrin e Kosovës Albin Kurti dhe presidentin e Serbisë Aleksandar Vuçiq, në përpjekje për të gjetur zgjidhje për uljen e tensioneve mes Kosovës dhe Serbisë si dhe për diskutimin e Asociacionit.

Po ashtu, ka pasur edhe takime të ndara mes përfaqësuesve të BE-së dhe krerëve nga Kosova dhe Serbia. Takimi trepalësh njejtë sikur takimet e ndara kanë përfunduar pa rezultate. I pranishëm në Bruksel këto dy ditë ka qenë edhe i dërguari special i ShBA-së për Ballkanin Perëndimor, Gabriel Escobar. Ekipi i Kanal10 është në Bruksel ku ka raportuar dhe vazhdon të raportojë live nga atje. / Gazeta10.