Shkaku i gjuajtjes me armë zjarri në Yverdon VD të Zvicrës, të enjten u raportua se mbetën të vdekur pesë persona të një familje. Kufomat e gjetura kishin plagë me armë zjarri, ndërsa babait iu gjet një armë.

Siç raporton gazeta “Blick”,  dyshimet e para janë se babai mund të ketë vrarë fillimisht familjen e tij, vë zjarrin shtëpisë dhe më pas ka gjykuar vetën duke u vetëvrarë. Që atëherë, pesë viktimat janë identifikuar zyrtarisht. Bëhet fjalë për tre vajza të moshave pesë, nëntë dhe 13 vjeç, si dhe nënën e tyre 40-vjeçare dhe babain 45-vjeçar. Sipas fqinjëve, çifti mësohet se janë ndarë së fundmi.

Mediat zvicerane raportojnë se gruaja e vdekur tashmë  ka shpërndarë disa kohë më parë në Facebook fjalët e mëposhtme: “Nuk mund të kontrollosh sjelljen e të tjerëve, por mund të kontrollosh momentin kur nuk dëshiron më ta durosh atë”.

Policia kantonale në Vaud aktualisht po përjashton mundësinë e një shkelësi të palës së tretë. 

Shkaku i zjarrit ende nuk është përcaktuar përfundimisht, por hetuesit kanë gjetur një sasi të madhe përshpejtues zjarri, në dhomat e ndryshme të shtëpisë. Kjo shpjegon shkallën shkatërruese të dëmtimit të ndërtesës. Hetimi tani do të vazhdojë me mbështetjen e ekspertëve të zjarrit nga Universiteti i Lozanës, tha policia, transmeton Gazeta10.

Kjo ngjarje tragjike mori disa viktima, duke përfshirë fëmijë që shkonin në shkollë në Yverdon, sipas një deklarate nga qyteti të premten./Gazeta10