Amerikani Brandon Edwards është përforcimi më i ri i KB Trepçës. Klubi nga Mitrovica të mërkurën e ka prezantuar Edwardsin, i cili do të jetë pjesë e Trepçës për pjesën e mbetur të këtij edicioni.

Edwards ka përvojë të madhe, ndërsa këtë edicion ka luajtur në Hong Kong.

Më herët, ai ka bërë karrierë edhe në Francë, Arabinë Saudite, Izrael, Finlandë e Spanjë.

Edicionin e shkuar në Francë, Edwards ka luajtur me një mesatare prej dhjetë pikëve dhe pesë kërcimeve për ndeshje. Aktualisht, Trepça prin në Superligë me 36 pikë, tri më shumë se Peja.