Tri anëtare të ekipit iranian të futbollit të femrave, të cilat kishin pranuar viza refugjatësh për të qëndruar në Australi, kanë vendosur të kthehen në atdheun e tyre, tha ministri i Punëve të Brendshme e Australisë.

Kjo lë tre nga shtatë anëtarët fillestarë të skuadrës në Australi.

“Brenda natës, tri anëtarë… morën vendimin për t’u bashkuar me pjesën tjetër të ekipit në udhëtimin e tyre për t’u kthyer në Iran”, tha Tony Burke në një deklaratë.

Pasi u thanë zyrtarëve australianë se e kishin marrë këtë vendim, lojtarëve iu dhanë disa herë mundësi për të folur rreth opsioneve të tyre.” 

Pasi mbërritën në Australi për Kupën e Azisë për Femra muajin e kaluar, përpara se të fillonte lufta, gjashtë lojtare dhe një anëtar i stafit mbështetës pranuan viza humanitare për të qëndruar në Australi, ndërsa pjesa tjetër e ekipit prej 26 lojtaresh fluturoi nga Sidnei për në Malajzi më 9 mars.