Donald Trump ka thënë se ka anuluar dërgimin e të dërguarve të tij, Steve Witkoff dhe Jared Kushner, në Pakistan për bisedime me Iranin.

Delegacioni i Iranit tani është larguar nga Islamabadi pasi u takua me zyrtarë pakistanezë, raporton SkyNews.

“Nuk po bën një fluturim 18-orësh për të shkuar atje, ne i kemi të gjitha letrat në dorë,” tha Trump se u kishte thënë Witkoff dhe Kushner.

“Ata mund të na telefonojnë sa herë të duan, por ju nuk do të bëni më fluturime 18-orëshe për t’u ulur e për të folur për asgjë.”

Dje, zëdhënësja e Shtëpisë së Bardhë, Karoline Leavitt, tha se të dërguarit amerikanë Steve Witkoff dhe Jared Kushner do të udhëtonin sot drejt Pakistanit për “të dëgjuar iranianët”.