Ish-presidenti amerikan Donald Trump është akuzuar për komplot për të përmbysur humbjen e tij në zgjedhjet e vitit 2020.

Ai akuzohet për katër akuza, duke përfshirë komplotin për të mashtruar ShBA-në, ndërhyrjen e një dëshmitari dhe komplot kundër të drejtave të qytetarëve, shkruan BBC, transmeton Klan Kosova.

Aktakuza përfshin një hetim mbi ngjarjet që lidhen me trazirat e 6 janarit 2021 në Kapitolin e ShBA-së.

Trump, 77-vjeçar, i cili kandidon sërish për president, mohon keqbërjen. Në rrjetet sociale ai e quajti rastin “qesharak”.

Politikani republikan tashmë është akuzuar në dy raste të tjera: për keqpërdorimin e dosjeve të klasifikuara dhe falsifikimin e të dhënave të biznesit për të mbuluar një pagesë të heshtur ndajë ylli porno.

Hetimi është fokusuar në veprimet e Trump në periudhën dymujore midis humbjes së tij ndaj Joe Biden dhe trazirave në Uashington DC, ku mbështetësit e tij sulmuan Kongresin ndërsa ligjvënësit vërtetuan fitoren e demokratit.

Njeriu që drejtonte hetimin, këshilltari special Jack Smith, tha: “Sulmi në kryeqytetin e vendit tonë më 6 janar 2021 ishte një sulm i paprecedentë ndaj selisë së demokracisë america.

‘Siç përshkruhet në aktakuzë është ushqyer nga gënjeshtra.’

Smith përfundoi deklaratën e tij të shkurtër duke u zotuar se do të kërkonte “një gjyq të shpejtë”, ndërsa theksoi se ish-presidenti “duhet të konsiderohet i pafajshëm derisa të provohet fajësia”.

Trump do të paraqitet në gjykatë enjten në Uashington DC.

Aktakuza prej 45 faqesh liston gjashtë bashkëpunëtorë të paidentifikuar: katër avokatë, një zyrtar i departamentit të drejtësisë dhe një konsulent politik.