Mbrojtësi i Francës, Raphael Varane, foli për “TF1” pas humbjes në finalen e Kupës së Botës kundër Argjentinës.

Ai ka thënë se ndeshja ishte jashtëzakonisht e paparashikueshme dhe Franca shumë lehtë mund të kishte dalë fituese nga ky ballafaqim.

“Padyshim që jemi shumë të zhgënjyer, dhamë gjithçka. Na u desh të përballeshim me shumë pengesa gjatë lojës, nuk u dorëzuam. Mund të kishim fituar edhe ne. Jam shumë krenar për këtë grup dhe që jam francez. E mbajmë kokën lart. Ne u kthyem në këtë ndeshje kur ishte e ndërlikuar. U luajt shumë shpejt, pastaj fizikisht ishim më mirë. Ne shtymë dhe besuam deri në fund. Për pak e përmbysëm një lojë që filloi keq. Rruga ishte e vështirë por në këtë grup kishte forcë mendore dhe shumë zemër. Kjo na lejoi të ktheheshim në lojë. Jemi të zhgënjyer por edhe krenarë”, tha në fund Varane.