Viola von Cramon – raportuesja për Kosovën e Parlamentit Evropian, ka thënë se është padrejtësi e madhe që qytetarët e Kosovës ende nuk mund të udhëtojnë lirshëm në Evropë.

Von Cramon, duke iu përgjigjur një qytetarjeje të Kosovës në Twitter, ka thënë se ani pse Kosova ka përmbushur kriteret, vazhdon të mos ketë liberalizim të vizave.

“Komisioni Evropian nuk ka ndryshuar mendje që nga atëherë. Po ashtu edhe Parlamenti Evropian. Por shtetet individuale anëtare ende po e bllokojnë procesin. Ndonëse Kosova ka plotësuar të gjitha kriteret që nga maji i vitit 2018, Këshilli Evropian nuk ka dhënë ende dritën e gjelbër për liberalizim të vizave. E ndaj frustrimin tuaj dhe gjithë kosovarëve që vuajnë nën këtë padrejtësi”, ka shkruar ajo./Gazeta10

.Dear @EU_Commission,

Next week is my graduation ceremony and I will be there all alone because my family lives in Kosovo and has no visa. Thank you for doing this to us.

We, the people of Kosovo, are working hard and making our way in the world, with or without your support. pic.twitter.com/hSH1RCCqTK

— Dhurata (@DhurataaK) October 10, 2022