Mesfushori holandez, Georgino Wijnaldum, pritet të jetë lojtari më i ri i Romës.

Sipas Fabrizio Romanos, marrëveshje mes Romës dhe PSG-së është arritur dhe zyrtarizimi është vetëm ë’ështje kohësh.

Wijnaldum do të kalojë te Roma në formë huazimi, me të drejtë blerje në vitin 2023 për shumën e tetë milionë eurove.

Gjatë këtij huazimi, Roma, do të paguajë një pjesë të pagës së lojtarit.

31-vjeçari erdhi te ekipi francez verën e kaluar si transfer i lirë, por aventura e tij me PSG-në nuk ka shkuar aq mirë.

Wijnaldum zhvilloi 31 ndeshje në Ligue 1, shënoi një gol dhe bëri tre asistime që kur zbarkoi në “Parkun e Princave”.