Bradley Cooper dhe Gigi Hadid ngjallën spekulime se ishin martuar, pasi të dy u fotografuan në Paris të hënën me unaza të reja në gishtin e unazës së majtë.

Ndërsa përfaqësuesit e tyre nuk kanë komentuar mbi thashethemet se çifti është martuar zyrtarisht, Page Six Style ka mësuar ekskluzivisht se të dy mbajnë unaza martese nga shtëpia franceze e bizhuterive Boucheron.

Sipas Page Six, modelja (31) mban unazën e martesës “Quatre Radiant Edition” të Boucheron, e cila kushton 6,450 dollarë.

Është bërë prej ari të verdhë, ka një strukturë dalluese me brinjë dhe është zbukuruar me një rresht të hollë diamantesh. Në faqen e internetit të kompanisë së bizhuterive, thuhet se unaza “mbahet si një deklaratë dashurie, por edhe stili”.

Aktori 51-vjeçar zgjodhi një unazë martese prej ari rozë “Godron”, e dallueshme nga disenji i saj që u ngjan dy unazave të bashkuara.

Ashtu si modeli i veshur nga Hadid-i, ajo është e disponueshme në ngjyrë të verdhë, ari rozë dhe platini dhe versioni i Cooper kushton 2,120 dollarë.