Presidenti ukrainas, Volodymyr Zelensky u ka kërkuar ukrainasëve që të qëndrojnë larg bazave ushtarake ruse dhe dyqaneve të municionit, pas një sërë shpërthimesh që Rusia i ka fajësuar për “sabotim”, shkruan Al Jazeera, transmeton Gazeta10.

Në fjalimet e tij të natës të martën, Zelensky tha se shpërthimet mund të kenë një sërë shkaqesh, duke përfshirë mungesën e aftësisë.

“Por ata të gjithë nënkuptojnë të njëjtën gjë – shkatërrimi i logjistikës së pushtuesve, municioneve të tyre, pajisjeve ushtarake dhe të tjera, dhe posteve komanduese, shpëton jetën e njerëzve tanë”, tha ai në një fjalim të mbrëmjes.

Zyrtarët ukrainas kanë njoftuar për sulmet në bazat ushtarake në Krimenë e aneksuar nga Rusia dhe kanë paralajmëruar civilët të qëndrojnë larg objektivave të mundshëm, pak pasi Moska të martën tha se shpërthimet ishin “rezultat i sabotimit”, shkruan Al Jazeera./Gazeta10.