Është zhbllokuar rruga në fshatin Reçan të Prizrenit e cila të dërgon në Prevallë.

Pak më parë Gazeta10 raportoi se ky aks rrugor ishte i pakalueshëm për shkak të rrëshqitjes së një mase të madhe të gurëve.

Gurët kishin rrëshqitur nga shkëmbinjtë që ishin në afërsi të rrugës, kështu duke e ndalur qarkullimin e automjeteve në këtë pjesë të rrugës që lidh Prizrenin me Prevallë.

Në fotot e siguruara nga Gazeta10, shihet se automjetet mund të lëvizin lirshëm dhe më larg shihen ekipi që ka larguar gurët nga rruga, për ta bërë atë të kalueshme./Gazeta10