Nënkryetarja e Partisë Demokratike të Kosovës, Vlora Çitaku, ka kritikuar Qeverinë e Kosovës lidhur me zhvillimet e djeshme në veriun e Kosovës, specifikisht për koordinimin me ndërkombëtarët, raporton Gazeta10.

Çitaku ka thënë se aksioni i djeshëm e dëshmoi se veprimi ishte i paplanifikuar mirë prandaj edhe ka dështuar.

Tutje, Çitaku, ka thënë se dështimi në aksione të tilla po e dëmton Kosovën meqë po e krijon imazhin e një shteti që se kontrollon veriun e tij.

“Aksioni i mbrëmshëm dëshmoj edhe njëherë se vendimi për veprim ka qenë i paplanifikuar mirë dhe prandaj nuk arriti të realizohet. Dështimi për realizimin e këtyre vendimeve te qeverisë po krijon një përshtypje se veriu është i pamenxhueshëm dhe se atje situata është jashtë kontrollit të shtetit”, është shprehur Çitaku.

Çitaku ka thënë se koordinimi me aleatët ndërkombëtarë do të duhej të ishte në fillim e jo në fund të procesit.

“Po ashtu veprimet e qeverisë duhej të ishin paraprakisht të koordinuara me miqtë tanë ndërkombëtarë dhe jo të ftohen e të dëgjohen ata në momentet e fundit të krizës. / Gazeta10