Kandidati i Lidhjes Demokratike të Kosovës, Alban Zogaj ka thënë se Lidhja Demokratike e Kosovës ka një sërë projektesh që lidhen me energjinë.

Zogaj ka deklaruar se LDK planifikon që të ndërtojë një central me gaz në rrethinën e Ferizajt.

“Në programin tonë kemi një sërë projektesh që lidhen me energjinë. Më i madhi është ndërtimi i centralit me gaz. Ne planifikojmë që në mandatin tonë ta ndërtojmë centralin me gaz i cili vjen nga Selaniku, Greqia”, ka thënë Zogaj.

Tutje, ai ka theksuar se centrali me gaz do të kushtojë rreth 500 milionë euro.

“Do ta financojmë projektin përmes kredieve afatgjata dhe fondeve të qeverisë”, ka deklaruar Zogaj. /Gazeta10/