Fushata dhe programi i Bedri Hamzës, kandidatit për kryeministër nga PDK në zgjedhjet e 9-të shkurtit, sipas Zogajt, që në emisionin e Kanal10 u inkuadrua direkt nga ShBA po konsiderohen  si të zbehta.

Ai mes tjerash tha se kjo parti deri më tani fokusin kryesor e ka mbajtur në paga.

“Fushata e Bedri Hamzës është pakëz e zbehtë, në lajmet që shoh nuk fokusohet në projekte të vizionit, por në nivel të politikave sociale, të pagave. Në program të PDK-së kryesisht flitet vetëm për pagat”, tha ai në “Adresa” të Kanal10.