Mesfushori me prejardhje shqiptare Kastriot Imeri, është transferuar te skuadra zvicerane, Young Boys, raporton Gazeta10.

Imeri vjen te klubi nga kryeqyteti zviceran, pas aventurës që e kaloi te ekipi tjetër zviceran, Servette.

22-vjeçari ka qenë pjesë e grupmoshave të reja të Servettes, ndërsa debutimin me ekipin e parë e kishte bërë në vitin 2017.

Mesfushori ka nënshkruar kontratë katërvjeçare me Young Boys, e cila është e vlefshme deri në verën e vitit 2026.

Sezonin e kaluar me Servetten, Imeri ishte njëri nga lojtarët më të dalluar të ekipit, ku në 29 ndeshje të zhvilluara, kishte arritur të realizoj 11 gola dhe ka dhuruar tre asistime.

Imeri poashtu është pjesë e grupmoshave të reja të Zvicrës, ndërsa debutimin me kombëtaren A të helvetikëve e ka bërë në nëntor të vitit të kaluar në miqësoren kundër Italisë.

Me Zvicrën U-21, ai ka bërë 16 paraqitje, prej të cilave ka arritur të realizoj katër gola.

Skuadra e Young Boys në këtë afat kalimtar ka transferuar edhe mesfushorin e Kombëtares së Kosovës, Donat Rrudhanin. /Gazeta10/