Prezantimi i flamurit kombëtar me një yll sipër tij në natën finale të Sunny Hill Festival në Tiranë ka nxitur jo pak reagime nga qytetarët shqiptarë.

Shumë prej tyre që kanë komentuar në rrjetet sociale e kanë parë si provokim të hapur dhe rikthim të një simboli gjakatar të komunizmit.

Simboli i komunizmit “flamuri me yll” shfaqet në naten finale të ‪#SunnyHillFestivalTirana. Turp për Bashkinë Tiranë që lejoi fyerjen e qytetarëve & përdhosjen e kujtimit të viktimave të komunizmit në Shqipëri. Simbolet e komunizmit në Shqipëri duhen ndaluar të shfaqen në ambientet publike” shkroi ajo e zemëruar. 

Reagime nga më të ndryshmet e kanë pasur në fokus të kritikës kryetarin e Bashkisë së Tiranës, Erion Velian si organizator i festivalit.