16 persona kanë vdekur dhe dhjetëra janë zhdukur nga përmbytjet në veriperëndim të Kinës, raporton CCTV, transmeton Gazeta10.

Përmbytjet kanë ndodhur pasi një shi i papritur shkaktoi rrëshqitje dheu dhe shkaktoi ndryshimin e kursit të një lumi.

Përmbytjet ndodhën në një rajon malor të qarkut Datong në provincën Qinghai, duke prekur më shumë se 6,200 njerëz nga gjashtë fshatra, tha transmetuesi shtetëror CCTV.

“Që nga mesdita e datës 18, 16 persona janë vrarë dhe 36 janë të zhdukur”, duke thënë se puna e shpëtimit ishte në vazhdim.

Përmbytja vjen gjatë një vere me mot ekstrem në Kinë, me qytete të shumta që shënojnë ditët e tyre më të nxehta të regjistruara.

Një video për pasojat e publikuar nga media shtetërore tregoi rrugë të mbuluara me baltë, pemë të shkulura, shtëpi të dëmtuara dhe punonjës të shpëtimit që mbanin lopata.

Sipas raportit të medias shtetërore, është ngritur një “shtab i vijës së parë” për të organizuar reagimin e emergjencës.

“Puna e shpëtimit po përparon në mënyrë të rregullt,” thuhet në raport, duke shtuar se reshjet e papritura të mëdha të të mërkurës mbrëma kanë shkaktuar situatën.

Përmbytjet e mëdha në Kinën jugore në qershor, zhvendosën më shumë se gjysmë milioni njerëz dhe shkaktuan rreth 250 milionë dollarë dëme./Gazeta10