Kryeministri i Republikës së Kosovës, Albin Kurti ka takuar kryetarin e BDI-së ,Ali Ahmeti, me të cilin kanë biseduar rreth takimeve të ditet së sotme.

Janë bërë të gjitha përgatitjet për fillimin e takimeve që do të zhvillohen sot në Ohër, duke filluar nga ora 10:00, ku Përfaqësuesi i Lartë i BE-së për Politikë të Jashtme, Josep Borrell, bashkë me emisarin e BE-së për dialogun Kosovë – Serbi, Miroslav Lajçak do t’i presin Kurtin e Vuçiqin në takime ndaras, para se të zhvillohet takimi trepalësh.

Siç raporton gazetari, Kushtrim Sadiku, Presidenti serb Vuçiq pritet të mbërrijë në secilin moment në Ohër pasi ai është nisur sot nga Beogradi.

Në secilin moment pritet të arrijë edhe i dërguari special i SHBA-së për Ballkanin Perëndimor, Gabriel Escobar. /Gazeta10/