Sulmuesi i Manchester United, Marcus Rashford do të mungojë në dy ndeshjet e marsit për “Tre Luanët” për shkak të lëndimit.

25-vjeçari u lëndua në sfidën që Manchester United e zhvilloi ndaj Fulham në kuadër të FA Cup.

Ai u zëvendësua në minutën e 83-të të ndeshjes nga trajneri ten Hag.

Manchester United në një reagim në uebsajtin e tyre zyrtar kanë thënë se “shpresojnë që ai të jetë i gatshëm” për sfidën që “Djajtë e Kuq” e luajnë me Newcastle United pas ndeshjeve me kombëtare.

Rashford po gëzon një formë mjaft të mirë këtë edicion, teksa deri më tash ka shënuar 27 gola në të gjitha kompeticionet.