Skuadra e Manchester United ka filluar bisedimet me ekipin e Monacos, për të transferuar në “Old Trafford” gjatë afatit kalimtar veror mbrojtësin francez, Alex Disasi.

Sipas raportimeve nga Anglia, është trajneri ten Hag i cili po shtyen përpara për këtë transfer, për shkak se dëshiron që të freskojë repartin e mbrojtjes.

Mbrojtësi 25-vjeçar ka kontratë deri në vitin 2025 me klubin francez, dhe mund të largohet për shumën e 44 milionë eurove.

Këtë sezon ai është paraqitur në 40 ndeshje me fanellën e Monacos, duke pasur paraqitje mjaft të mira.

Për mbrojtësin, të interesuara janë edhe disa ekipe tjera nga Anglia.