Kreu i NISMA-së Fatmir Limaj në Politiko në Kanal10 teksa ka diskutuar për aktakuzën që rëndon mbi ish-katër krerët e UÇK-së, ka kritikuar ashpër institucionet e Kosovës që nuk kërkuan asnjëherë llogari nga ndërkombëtarët për raportin e ish-senatorit zviceran Dick Martyt për akuzat e trafikimit të organeve.

“A ndihemi të fyer si qytetarë e unë si politikan që na kanë bërë si trafikant, një botë ka folur për trafikim të organeve, një botë ka folur.”, tha Limaj i tensionuar, shkruan Gazeta10.

Sipas tij institucionet duhet të kërkojnë nga bashkësia ndërkombëtare që të kërkojnë falje për këtë raport.

 “Parlamenti i Kosovës, Qeveria e Kosovës e ka për detyrë, obligim me kërku sqarim Dick Marty ku mbetë? A e keni borxh me i kërku falje kësaj Kosove që na keni fyer. A ndini keqardhje që për 10 vite retë e zeza në këtë vend duke na pa si trafikant të organeve”, u shpreh tutje Limaj në Poltiko. /Gazeta10