Një 33-vjeçar nuk ka arritur tu mbijetojë plagëve të marra sot nga një aksident i rëndë trafiku që ka ndodhur në rrugën Skenderaj – Drenas.

Aksidenti ka ndodhur saktësisht në fshatin Polac sot rreth orës 14:30, ku ishte përfshirë një veturë ndërsa lëndime kishin marrë shoferi dhe pasagjeri, ku shoferi nuk ka arritur tu mbijetojë plagëve dhe ka vdekur në QKUK teksa po merrte trajtim, sonte rreth orës 22:00.

“Një aksident trafiku me pasojë fataliteti është shkaktuar sot rreth orës 14:30, në rrugën rajonale Skenderaj- Drenas përkatësisht në fshatin Polac. Në aksident është përfshirë një veturë, ku si pasojë e aksidentit lëndime kanë pësuar shoferi dhe pasagjeri. Ndërsa rreth orës 22:00, është raportuar se si pasojë e lëndimeve në QKUK ka vdekur shoferi i veturës”, tha zëdhënësi i Policisë për rajonin e Mitrovicës, Avni Zahiti. /Gazeta10