Kompania Frutex i është drejtuar KEDS-it lidhur me reduktimet dhe dëmtimet e kompanisë, raporton Gazeta10.

Kompania Frutex ka thënë se janë të gatshëm të paguajnë 50 % me çmim më të lartë për energjinë e shpenzuar vetëm të mos ketë ndërprerje.

Kjo kompani ka thënë se janë duke u përballur me humbje e sidomos në tregjet e huaja.

Nga kjo kompani është thënë se KEDS-it do t’i drejtohen edhe me kërkesë zyrtare si dhe shpresojnë në një marrëveshje.

Këtu keni njoftimin e plotë:

“Kërkesë nga Kompania Frutex drejtuar KEDS

Për shkak të problemeve me furnizim me energji si pasojë e kapaciteteve prodhuese të KEK-ut dhe rritjes së çmimit të energjisë elektrike në tregun ndërkombëtar, ne jemi të gatshëm që të paguajmë 50 % me çmim më të lartë për energjinë e shpenzuar, me kusht që mos të ketë ndërprerje, pasiqë ndërprejet e shumta përveq që rrezikojnë linjat prodhuese ato janë bërë edhe problem në përmbushjen e kërkesave për eksport duke u rrezikuar seriozisht humbja e tregjeve të jashtme.

Gjithashtu për shkak te mungesës së energjisë elektrike nuk mund të aktivizohet linja e përpunimit të frutave duke pamundësuar që të grumbullohen 4 milion kg mollë nga fermerët sa kemi paraparë për këte vit.

Kompania Frutex gjatë ditës do ta përgatis edhe kërkesën zyrtare për KEDS dhe shpresojmë të arrijmë në një marrëveshje”, thuhet në njoftimin e tyre. / Gazeta10