Manchester Unitedi dhe Bayern Munichu, kanë bërë oferta zyrtare për mesfushorin defensiv Marco Verratti, ka njoftuar “L’Equipe” të hënën.

Verratti pritet të largohet në këtë afat kalimtar nga Paris Saint-Germaini, pasi nuk bën pjesë në planet e trajnerit Luis Enrique.

Ai nuk është përfshirë fare në ekip për dy ndeshjet e para të këtij edicioni dhe tashmë është nxjerr në shitje nga Parisi që për kartonin e tij po kërkon të paktën 60 milionë euro.

Mësohet se si Unitedi ashtu edhe Bayerni kanë ofruar nga 50 milionë euro për Verrattin, i cili ka kontratë me PSG-në deri në verën e vitit 2026.