Olivier Giroud dhe Rafael Leao do të mungojnë të dy në përballjen e Milanit kundër Fiorentinës pas pushimit.

Një goditje e madhe për Stefano Piolin, i cili është nën presion të madh për të ndryshuar gjërat me Rossosnerët.

Dje Girouds i’u konfirmua ndalimi me dy ndeshje dhe kjo do të thotë se ai do të mungojë ndaj Fiorentinës dhe Frosinones.

Kjo do të jetë gjithsesi një goditje e madhe për Milanin pasi atyre u mungon një zëvendësues i duhur.

Francezi ka shënuar shtatë gola këtë sezon, siç theksohet nga Gazzetta dello Sport, dhe kjo e vendos atë të dytin në garën capocannoniere, raporton Gazeta10.

Zëvendësuesit e tij, Luka Jovic dhe Noah Okafor, kanë vetëm dy gola mes tyre dhe kjo është një çështje.

Për Stefano Piolin, zëvendësimi i Giroud është pak a shumë një ‘mision i pamundur’ dhe do të duhet të mendohet shumë gjatë pushimit.

Sidomos pasi Leao do të mungojë edhe në këtë përballje, duke luftuar me një dëmtim i cili gjithashtu mund ta mbajë jashtë kundër Borussia Dortmund.

Okafor ka të ngjarë të jetë sulmuesi kryesor i majtë, që do të thotë se Jovic është zgjedhja e vetme e mbetur për rolin nr.9.

Kjo është, natyrisht, përveç nëse menaxheri vendos të ndryshojë formacionin. Megjithatë, tani nuk është koha për të bërë këtë të fundit. /GAZETA10/