Liria sot priti në “Përparim Thaçi” skuadrën e Gjilanit, me ndeshjen që u luajt në kuadër të xhiros së 16-të në elitën e futbollit kosovar.

Skuadra prizrenase pësoi disfatë të thellë prej 0-4 nga Gjilani, kështu duke vazhduar me rezultate negative.

E për shkak të këtyre rezultateve, tifozët e revoltuar nga lojërat e dobëta të Lirisë kanë kërkuar dorëheqjen e të gjithë lojtarëve.

Liria nuk ka arritur të shijojë fitoren në Superligë më shumë se një herë këtë sezon, fitore e cila erdhi pikërisht para tre muajsh, më 2 shtator ndaj Fushë Kosovës me shifrat 2-1.