Sonte zhvillohet ndeshja e dytë e gjysmëfinales së parë në Carabao Cup.

Chelsea do të mundohet që ta përmbysë rezultatin nga ndeshja e parë kundër Middlesbrough.

Blutë e Londrës u mposhtën në sfidën e parë të zhvilluar para një jave 1:0.

Golin e vetëm në atë sfidë e kishte realizuar Hackney në minutën e 37-të.

E sonte, Chelsea para publikut të vetë do të mundohet ta bëj përmbysjen dhe të kalojë në finalen e Wembleyt.

Përballja mes Chelseat e Middlesbrough që zhvillohet sonte nis nga ora 21:00.

E gjysmëfinalja e dytë është mes Fulhamit e Liverpoolit të luhet nesër mbrëma.

Në ndeshjen e parë, fitore kishte realizuar Liverpooli 2:1.

Fitues në fuqi i Carabao Cup është Manchester United që në finale kishte triumfuar kundër Newcastle United 2:0.