Një aksident zinxhiror ka ndodhur në magjistrale Prishtinë – Gjilan, raporton Gazeta10.

Në këtë aksident janë përfshirë tri vetura dhe një kamion, teksa si pasojë kanë mbetur të lënduar gjashtë persona.

Këtë për Gazeta10 e ka konfirmuar zëdhënësi i Policisë për rajonin e Prishtinës, Agron Borovci.

“Rreth orës 08:00, është raportuar për një aksident trafiku të ndodhur në rrugën magjistrale Prishtinë-Gjilan, respektivisht në fshatin Slivovë  Deri më tani bëhet e ditur se në aksident janë përfshirë tri vetura dhe një kamion.  Për pasojë gjashtë  persona kanë pësuar lëndime trupore dhe të njëjtit janë dërguar në QKUK për të marrë  trajtimin e nevojshëm mjekësor, përderisa janë shkaktuar dhe dëme materiale.  Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti”, tha ai./Gazeta10