Policia e Kosovës në veri ka njoftuar se ka tërhequr disa thasë me rërë që në të kaluarën ishin përdorur për bllokimin e rrugëve atje.

Lajmin e ka konfirmuar Veton Elshani, zëvendësdrejtori i policisë në veri të vendit.

“Policia e Kosoves ka pranuar informacione se ne nje objekt publik ne komunen e Zveçanit, ka disa gjera materiale te cilat jane shfrytezuar nga grupet terroriste serbe ne kohen e barrikadave. Sot, gjate kontrollave qe ka bere policia ka konstatuar se ne katin e trete te kesaj ndertese jane dhjetra thase te mbushur me rere qe kane qene si istikame per te sulmuar Policine dhe ne mbrojtje te barikades dhe kontrollimit te rruges kryesore qe te dergon ne Zveçan. Ky objekt publik është shfrytezuar nga pjestaret e organizatave terroriste si Mbrojtja Civile dhe Brigada e Veriut. Kjo eshte edhe nje deshmi se grupet kriminale kane qene te armatosur rend dhe kane pasur plane qe te sulmojne Policine e Kosoves ne rast se ata do te tentonin ti largonin barrikadat”, ka thënë ai për Gazeta10.