Pas thirrjes së kreut të Partisë së Lirisë, Ilir Meta, me qindra qytetarë janë mbledhur këtë pasdite para inceneratorit të Tiranës.

Në krye të kësaj proteste është Ilir Meta, ndërsa mungon Sali Berisha. Mësohet se deri tani të pranishëm nga PD janë deputetët Edmod Spaho, Adriana Kalaja, Jamarbër Malltezi dhe Ervin Salianji.

Kjo është protesta e parë e Ilir Metës kundër qeverisë, pas lënies së Presidencës.

Aksioni nisi fillimisht me denoncimet e përditshme për inceneratorët së bashku me thirrjen ndaj SPAK për të mos zvarritur hetimet.