Një ngjarje e pazakontë ka ndodhur në shtëpinë e BBV, ku Erjola pas debateve të shumta me Ilnisën dhe Meritonin, ka gatuar një hallvë, e quajtur “hallva e vdekjes për çiftin Ilnisa-Meriton”.

“Si lojtare s’do ta bësh gjumin rehat, si banore po iki të ta ha hallvën. Figurativisht, për mua ke vdekur…”, ka thënë Erjola.

Ky veprim ka sjellë shumë debate te banorët, ku shumë prej tyre e kanë kritikuar këtë veprim të Erjolës.

Sigurisht që kjo e ka prekur shumë Ilnisën, e cila e quajti të shëmtuar që t’i urosh dikujt vdekjen dhe madje ka shpërthyer në lot.

Pas kësaj ngjarje, ka reaguar vëllai i Ilnisës, i cili ka bërë një postim në profilin e tij të Instagramit, ku shihet së bashku me vajzën e gazetares, Anaisin.