Reperi i njohur, Gold AG, është i njohur për këngët e tij të shumta me motive patriotike.

Ai u ka dedikuar këngë shumë heronjve të luftës, gjersa nuk ka munguar edhe nëpër akademi përkujtimore të organizuara në nderim të të rënëve për liri.

Së fundmi, reperi ka bërë homazhe te varri i komandantit legjendar, Adem Jashari, në kompleksin memorial në Prekaz të Skënderajt për ndër të 26 vjetorit të Epopes së UҪK-së.

Ai ka publikuar një fotografi në rrjetin social Instagram nga kjo vizitë e tij te varri i komandantit të ndjerë, teksa ka shkruar në mbishkrimin e tij atributin që karakterizonin Adem Jasharin.

“Ai që e ka ditëlindjen bashkë me flamurin”, ka shkruar ai.