Futbollisti i Përfaqësueses së Egjiptit, 30-vjeçari Ahmed Refaat, ka pësuar sulm në zemër të hënën mbrëma. Ai pësoi sulm derisa po luante me skuadrën Future kundër Al Ittihadit, në kampionatin egjiptian.

Refaat është ende në gjendje kritike, ndërsa klubi i tij ka thënë se zemra i ishte ndalur për më shumë se një orë.

“Zemra e Ahmed Refaatit është ndalur për më shumë se një orë, pavarësisht se mjekët bënë gjithçka. Më pas, zemra e tij nisi të përmirësohet. Por, gjendja e tij nuk është stabile. Klubi po e monitoron situatën dhe do t’iu njoftoj për gjithçka”, ka shkruar Future në një komunikatë për media.