Ushtria izraelite thotë se ka gjetur trupin e një njeriu të marrë peng dhe të mbajtur në Gaza, në një bastisje gjatë natës në Khan Yunis.

Elad Katzir u mor nga Kibbutz Nir Oz gjatë sulmeve të Hamasit në Izraelin jugor më 7 tetor, shkruan BBC, transmeton Klankosova.tv.

Trupi i tij është kthyer në Izrael, thanë Forcat e Mbrojtjes të Izraelit (IDF) dhe Agjencia Izraelite e Sigurisë (ISA).

Ai është identifikuar nga zyrtarët mjekësorë, ndërsa familja e tij është njoftuar.

IDF dhe ISA thanë në një deklaratë të përbashkët: “Trupi i të rrëmbyerit Elad Katzir, i cili sipas inteligjencës u vra në robëri nga organizata terroriste Xhihadi Islamik, u shpëtua brenda natës nga Khan Yunis dhe u kthye në territorin izraelit”.