Kryetari i Kuvendit, Glauk Konjufca ka dorëzuar padi ndaj Natyra Kuçit të PSD-së në Gjykatën Themelore të Prishtinës.

Lajmin për Gazetën Express e ka konfirmuar avokatja Arbnora Pireva Dervisholli e cila ka thënë se aktivistja e PSD është paditur për shpifje

Ndaj kësaj padie ka reaguar Kuçi, e cila e ka quajtur Konjufcën “ekspert për shpifje e manipulim”.

“Glauk Konjufca më paska paditur për shpifje, 15.000 € është dëmshpërblimi që po e kërkon si kompensim, me siguri po i duhen për me ia dhënë ndonjë ‘djali të djalit djalit të mixhës’, që i ka mbetur pa u punësu”.

“Hajt krisja shahut Glauk, se për shah, shpifje e manipulim, ti je ekspert”, shkroi Natyra Kuçi, duke bashkëngjitur edhe një emoji duke qeshur.