Sqarim i Redaksisë:

Në shkrimin e publikuar me datë 13 korrik “Dogana e Kosovës kap barna pa banderola në vlerë prej 20 mijë euro”, është përvjedhur një gabim teknik në titull, ku në vend të vlerës 20 mijë euro, është shkruar shuma 20 milionë euro.

Për këtë gabim teknik ju kërkojmë falje lexuesve

Tani, artikulli është edituar dhe vlera e saktë e barnave që është kap nga Dogana është 20 mijë euro.

—————————–

Njësitet e Doganës së Kosovës kanë kapur ditën e sotme barna të kontrabanduara pa banderolë kryesisht nga Shqipëria dhe Serbia.

Vlera e mallit llogaritet të jetë 20 mijë euro.

Tutje, në komunikatë thuhet se “malli është sekuestruar dhe ndaj palës janë inicuar procedurat kundërvajtëse.”

Njoftimi i plotë:

Kapen barna pa banderoll

Lipjan, 12 Korrik 2024 – Njësitet Antikontrabande të Doganës së Kosovës, pas pranimit të informatës nga qytetarët për prezencën e barnave pa banderola, kanë kryer një kontroll në një barnatore dhe kanë zbuluar të fshehura 6,858 paketime të barnave të ndryshme me banderola të shteteve të huaja (Serbi dhe Shqipëri), të cilat janë kontrabanduar në Kosovë.

Vlera e këtij malli llogaritet të jetë rreth 20,000.00 Euro.

Malli i kontrabanduar është sekuestruar dhe ndaj palës janë inicuar procedurat kundërvajtëse.

Dogana e Kosovës falënderon qytetarët për bashkëpunimin dhe inkurajon denoncimin e rasteve të ngjashme për të luftuar kontrabandën dhe për të mbrojtur tregun dhe shëndetin publik në vend.