Në sfidën e parë të Ligës së Kampionëve, Real Madridit pritet t’i rikthehen dy yjet e ekipit.

Jude Bellingham dhe Aurelien Tchouameni do të jenë në dispozicionin e Carlo Ancelottit për sfidën kundër Stuttgartit.

Të dy këta futbollistë kanë lënë prapa vetes lëndimin dhe janë plotësisht të gatshëm për këtë ballafaqim.

Real Madridi nis rrugëtimin për mbrojtjen e trofeut të Ligës së Kampionëve nesër kundër Stuttgartit, në sfidën që starton nga ora 21:00.

Në stërvitje e së hënës, ka munguar mbrojtësi Eder Militao, që është në dyshim për ndeshjen e nesërme.