Ish-komandanti i zonës së Rahovecit në Ushtrinë Çlirimtare të Kosovës (UÇK), Ismet Tara, i njohur me nofkën “Komandant Hoxha”, është lajmëruar pas përfundimit të dëshmisë në Hagë.

Tara ka njoftuar se sot po kthehet për në Kosovë me anë të një shkrimi në ‘Facebook’, shkruan Insajderi.

“Sot po kthehem në vendlindje! Bëra aq sa munda për UÇK-në dhe Kosovën time“, ka thënë Tara.

Ish-komandant Tara ka refuzuar të dëshmojë në Prokurorinë e Specializuar, teksa dëshminë e ka dhënë vetëm për mbrojtjen e të akuzuarve.