Pak kush ia dëgjonte zërin, sepse guximi dhe sakrifica e tij flisnin për të!

Megjithatë, ata që patën fatin ta takonin, kujtojnë me krenari bisedat që mundën të ndanin me komandantin legjendar, Adem Jashari
Një të tillë e ka zbuluar Adnan Merovci, njëri nga njerëzit më të afërt të ish-presidentit të ndjerë, Ibrahim Rugova, i cili rrëfen qartë për qëndrimin e pathyeshëm të Adem Jasharit për liri.

”Nuk jam unë për syreta”, i ishte përgjigjur komandanti legjendar, Adem Jashari, me hezitim ftesës që Adnan Merovci thotë se ia bëri për një fotografi të përbashkët.

”I thashë: “Eja pranë meje, këtu e ke vendin”, sqaron tutje Merovci.

Megjithatë, Merovci shprehet se pas insistimit të tij, heroi legjendar u detyrua të qëndronte afër tij.