Inteligjenca ushtarake ukrainase ka paralajmëruar se Rusia planifikon të kryejë një stërvitje demonstrative, dhe lëshim të një rakete balistike ndërkontinentale RS-24 Yars natën e 18-19 majit.

Inteligjenca ukrainase vuri në dukje se qëllimi i lëshimit është të frikësojë Ukrainën dhe të ushtrojë presion mbi shtetet anëtare të BE-së dhe NATO-s, një taktikë e parë si pjesë e shantazhit bërthamor.

“Një raketë e pajisur me municion stërvitjeje është urdhëruar të lëshohet nga një sistem mobil nga Regjimenti i 433-të i Divizionit të 42-të të ushtrisë ruse”, u tha nga inteligjenca mbrojtëse ukrainase.