Deputetja e AAK-së, Albana Bytyqi, ka thënë se takimi i sotëm me ambasadorin britanik, Nicholas Abbott, ka qenë kërkesë e ambasadorit.

Bytyqi në Prime Time, ka deklaruar se arsyeja se pse janë kundër është se nuk specifikohet se si do të veprohet më tutje, raporton Gazeta10.

“Unë nuk fola hic, ne si grup parlamentar i AAK-së, kemi dalë kundër Kodit Civil, do të vazhdojë të jetë kundër. Arsyeja është sepse nuk është e specifikuar se si duhet vepruar. Aty thuhet vetëm lejohen martesat mes gjinive të njëjta dhe nuk thuhet se si do të bëhet adoptimi i fëmijëve, dhe pikat tjera të cilat janë të rëndësishme, dhe për këtë arsye kemi dalë kundër. Nëse ka ndryshime, do të shihet se si do të veprojnë”, ka thënë ajo ndër të tjera./Gazeta10