Vendimin e sotëm të Gjykatës Kushtetuese, Vetvendosje përmes reagimit publik e cilësoi politizim.

Deputeti i kësaj partie, Arbër Rexhaj i ftuar sonte në Politiko teksa tha se qëndrojnë mbrapa këtij mendimi,  deklaroi se po rishkruhet edhe njëherë Kushtetuesja.

“ Sot është dasht me u bë konstituimi i Kuvendit në akt solemn, deputetët me marrë pjesë në votim sepse ajo qartazi e thotë që kryetari i Kuvendit duhet të zgjidhet prej subjektit të parë. E çka ka bë Gjykata Kushtetuese, e ka marrë rolin ligjvënës të Kuvendit. Po e rishkruan edhe njëherë Kushtetuesën“, deklaroi ai teksa përmendi edhe disa gjetje që sipas tij janë “kundërthënie skandaloze”.