Kryeministri i Shqipërisë, Edi Rama, ka prezantuar Pakon Mbështetëse të Qeverisë së Shqipërisë për qytetarët, raporton Gazeta10.

Rama ka thënë se qeveria që ai drejton do të jetë më shumë se kurrë afër qytetarëve.

Ai ka thënë se kjo është e nevojshme për tu dalur në ndihmë qytetarëve si pasojë e inflacionit që ka ardhur nga lufta në Ukrainë.

Tutje, Rama ka përmendur secilën pikë të ndihmës që qeveria ka planifikuar për qytetarët.

Këtu keni statusin e plotë:

“Do të jemi më shumë se kurrë pranë njerëzve në nevojë dhe njerëzve të punës, për ta përballur dimrin që po quhet dimri më i vështirë i Europës nga Lufta e Dytë Botërore, pasojë e inflacionit të luftës së Putinit kundër lirisë e demokracisë perëndimore

Mburoja financiare për çmimin e energjisë rritja e qëndrueshme e pagave e pensioneve rritja e mëtejshme e pagës minimale rritja e ndihmës ekonomike dhe dyfishimi i saj për nënat me dy fëmijë, pas atyre me tre pranverën e kaluar dyfishimi i ndihmës ekonomike për pensionistët e vetmuar rritja e ndihmës financiare bashkë me mbështetjen për energjinë elektrike për personat me aftësi të kufizuara rritja e financimit për naftën pa taksa për fermerët dhe prodhimin e grurit mbështetja e re financiare për naftën në sektorin e peshkimit financimi i transportit urban për mbajtjen në vend të çmimit të biletës… këto janë masa tanimë aktive në mbështetje të ekonomisë së familjeve shqiptare, të cilat do të pasohen nga bonusi i fundvitit për pensionistët, si edhe masat e reja mbështetëse për pagat e pensionet vitin e ardhshëm”, ka shkruar Rama në llogarinë e tij në Facebook. / Gazeta10