Kuvendi i Republikës së Kosovës ka dështuar serish të miratojë Projektligjin për masat e përkohshme të produkteve themelore i propozuar nga qeveria.

Përkundër që 70 deputetë morën pjesë në vazhdim të seancës së sotme plenare, vetëm 57 deputetë morën pjesë në votim, andaj u vendosë që kjo pikë të mbetet për shqyrtim në një seancë tjetër ku do të ketë kuorum.

Aktualisht, deputetët po shqyrtojnë Projektligjin për mbështetjen e punëve publike, të cilin po e prezanton Ministri i Financave, Punës dhe Transfereve, Hekuran Murati.