Kryetari i Partisë Demokratike të Kosovës, Bedri Hamza, para ndeshjes së sontme Kosovë-Turqi, u shpreh se zemra e gjithë shqiptarëve anembanë rreh në një ritëm.

Ai ka shkruar në Facebook se në stadiumin “Fadil Vokrri”, siç tha, djemtë tanë luajnë për historinë.

“Sonte, zemra e Kosovës, por edhe e gjithë shqiptarëve anembanë, rreh në një ritëm. Për fanellën, për fitoren, për ëndrrën që e kemi pritur kaq gjatë. Në Stadiumin “Fadil Vokrri”, djemtë tanë luajnë për historinë. Për sakrificat e gjata e të vështira”, ka shkruar Hamza.